Presidenti i Këshillit Evropian, Charls Michel, ka pritur në takime të ndara liderët e vendeve të Ballkanit Perëndimor.

Një përjashtim e bëri tek Kosova.

Me kryeministrin Albin Kurti e pati më “sipërfaqësor” takimin.

Gjithçka që pati për të thënë e përmblodhi përmes një telefonate që i bëri Kurtit.

Sa i përket marrëdhënieve Kosovë- BE, Michel nuk kishte vepruar njejtë me ish-kryeministrin Avdullah Hoti.

Presidenti i Këshillit Evropian, në qershor të vitit të kaluar Hotin e kishte pritur në takim zyrtar, në Bruksel.

Në Prill 2016, Marrëveshja e Stabilizim-Asociimit midis BE-së dhe Kosovës hyri në fuqi, dhe që nga Tetori 2017, takimet e Komitetit të Stabilizim-Asociimit zhvillohen midis BE-së dhe Kosovës.

Por, ndryshe ndodhi me liderët e tjerë të Ballkanit Perëndimor.

Të hënën Michel ka pritur në Bruksel presidentin e Serbisë, Aleksandar Vuçiq.

Në mars 2012, Serbisë iu dha statusi i kandidatit për në BE. Në Shtator 2013, një Marrëveshje Stabilizimi dhe Asociimi midis BE dhe Serbisë hyri në fuqi. Takimi i 4-të i Konferencës së Anëtarësimit me Serbinë në nivel ministror u mbajt në 13 Dhjetor 2013 në Bruksel për të hapur negociatat mbi Kapitullin 5 – Prokurimin Publik dhe për të hapur dhe mbyllur provizorisht Kapitullin 25 që lidhet me Shkenca dhe kërkim.

Më 27 prill Michel ka pritur në Bruksel presidentin e Maqedonisë së Veriut, Stevo Pendarovski.

Maqedonia e Veriut – së bashku me partnerët e tjerë të Ballkanit Perëndimor – u identifikua si një kandidat i mundshëm për anëtarësimin në BE. Marrëveshja e saj e Stabilizim-Asociimit, e para në rajon, është në fuqi që nga 2004. Ajo aplikoi për anëtarësimin në BE në Mars 2004 dhe Këshilli vendosi në Dhjetor 2005 për t’i dhënë statusin e vendit kandidat.

Në Mars 2020, Këshilli i Çështjeve të Përgjithshme vendosi të hapë negociatat e pranimit me Maqedoninë e Veriut. Në korrik të vitit 2020, drafti i kornizës negociuese u prezantua në Shtetet Anëtare.

Në Agjendën e Këshillit Evropian nuk figuron takimi i Michel me Albin Kurtin.

Aty thuhet se Michel, të enjten, do të vizitojë Angolën.

Kryeministri, Albin Kurti, po qëndron në Bruksel për takime me krerët e institucioneve të Bashkimit Evropian./arbresh.info/

“Zbutja” e Serbisë karshi Kosovës – Arbresh.info